| watkhmer in Switzerland |

២ ការចូលមកដល់ នែកងទ័ពជប៉ុន

កងទ័ពជប៉ុនបានចូលមកដល់ប្រទេសកម្ពុជា មុនពេលរាជាភិសេកស្ដេចស៊ីហនុ (ស្ដេចស៊ីហនុប្រកាសជាមហាក្សត្រខ្មែរ
នៅថ្ងៃ២៥ មេលា១៩៤១) ឆ្លៀតអោកាសនោះលោកស៊ឹង ង៉ុកថាញ់ បានទៅទាក់ទងជាសំងាត់ជាមួយមេទ័ពជប៉ុនតាមរយៈ
មេហាង ដាយណង់គូស៊ី ដែលតាំងនៅមុខផ្សារចាស់ ភ្នំពេញ នៅជ្រុងផ្លូវពីកេ(អិលូវវិថីអុកញ៉ាផ្លុង) និងជ្រុងផ្លូវអូហ៊ីយេ
អិលូវនេះជាវិថីអង្គអេង ដើម្បីសុំជាជំនួយទ័ពរបស់គេអោយជួយធ្វើអន្ដរាគមន៍ផង ក្រែងពួកបដិវត្ដន៍ធ្វើការទៅហើយលោ
ជាភ្លាត់បែកការណ៍ឡើងមុខជាបារាំងចាប់ធ្វើទោសមិនខាន។

លោកស៊ឹង ង៉ុកថាញ់ បានប្រាប់ពួកបដិវត្ដថាត្រូវធ្វើការអោយប្រយ័ត្នមែនទែន កុំអោយបែកការ តែប្រហែសអោយបែក
ការមុខជាបារាំងចាប់ហើយ។ ហើយបើមានការថ្លស់ធ្លោយដោយហេតុណាមួយ ត្រូវតែប្រញាប់ប្រញាល់រត់ចូលទៅអែកង
តំរួតយោធាជប៉ុន (កងអាវុធហត្ថ ) ដែលគេយកកន្លែនោះសង់ធនាគារជាតិកម្ពុជាសព្វថ្ងៃនេះ គេអាចការពារយើងមិនអោ
យបារាំងចូលទៅចាប់បាន។

ចំណែកខាងព្រះសង្ឃមានលោកគ្រូអាចារ្យ ហែម ចៀវ ជាដើម តែកាលណាមានអោកាសនិមន្ដចេញទៅខេត្ដក្រៅ ដោយ
មានការអ្វីក្ដី ដោយត្រូវគេនិមន្ដទៅទេសនា លោកតែងតែខិតខំជួយធ្វើការពន្យល់ បញ្ចុះបញ្ចូល ណែនាំអោយភ្លឺរឿងស្នេ
ហាជាតិអោយអង់អាចក្លាហានក្នុងការតស៊ូធ្វើបដិវត្ដយកអិស្សរភាពពីបារាំងមកវិញ បានលទ្ធផលជាទីគាប់ចិត្ដ។ ប្រជារាស្រ្ដ
ខ្លះមានសទ្ធាជ្រះថ្លា បានចូលកុសលជាប្រាក់ ដើម្បីយកមកចាត់ចែងចំណាយក្នុងរឿងនេះផង។

ខាងគ្រហស្ថវិញ លោកជុំ មួង ខ្ញុំប៊ុណ្ណចន្ទ ម៉ុល លោកនួន ឌួង និងមានគ្នាច្រើនបន្ដទៅទៀត ក៏បានខំប្រឹងប្រែធ្វើការដោយ
ពេញសមត្ថភាពគ្រប់ៗគ្នាដែរ។

សូមជំរាបថា កាលណោះទាហានបារាំង មានតិចណាស់នៅស្រុកខ្មែរ។ បន្ទាយមួយៗមានតែទាហានខ្មែរភាគច្រើនជាង ដែ
លនៅក្រោមបង្គប់នាយទាហានបារាំង។ អែពលទាហានបារាំងបានត្រូវស្លាប់ជាច្រើន កាលសង្គ្រាមបារាំងនិងសៀម។ ក្រៅ
ពីនេះត្រូវបញ្ជូនទៅជួយច្បាំងអែប្រទេសបារាំង។ ចំណែកបារាំងស៊ីវិលក៏ត្រូវជាប់កំនែណ្ឌចូលបំរើក្នុងកងទ័ពរបស់គេអែ
ប្រទេសបារាំង។ ខេត្ដខ្លះមានសល់បារាំងម្នាក់ ពីរនាក់ ខេត្ដខ្លះ៤-៥នាក់។ ខេត្ដកំពុងស្ពឺអិតមានបារាំងសោះ គេយកចៅហ្វា
យខេត្ដអោយកាន់កាប់រេស៊ីដង់ផង។ ឃើញថាផែនការបដិវត្ដ ពុំសូវជាតឹងតែងប៉ុន្មានទេ អាចនឹងប្រព្រឹត្ដទៅបាន។ ប៉ុន្ដែការ
លំបាកទៅទៀតនាះលោកអ្នកនាង និងដឹងនៅខាងមុខ។

តទៅជំពូក៣